 |
 |
 |
|
|
Biography (Afrikaans)
Sign our Guestbook / View our Guestbook
Dietmar se werk is op 35 groep uitstallings in Suid-Afrika vertoon. Hy het al vier eenman vertonings gehou in Suid-Afrika sowel as agt internasionale vertonings.
Dietmar ontvang die volgende toekennings:
Dietmar se beelde is by talle private- en korporatiewe versamelaars te sien in Suid-Afrika sowel as Amerika, Duitsland, Frankryk, New Zeeland, Hong Kong, Brittange, Mauritius, Australië, Singapore, Rusland, Denemarke, Italië, Kanada, Maleisië, Portugal, Spanje en Switserland. Dietmar glo hy is 'n baie geseënde man omdat hy van die huis af kan doen dit wat hom naaste aan die hart lê, en 'n lewe daaruit kan maak. Hy dank God elke dag vir sy vele talente en neem dit nie as vanselfsprekend aan nie. Dietmar beskou sy geliefde vrou, Lesley, as die grootste geskenk wat hy ooit kon vra. "Vir my is sy nie alleen die perfekte vrou, vriendin, sielemaat en minnaar nie, maar ook die mees onbaatsugtige en talentvolle besigheids vennoot wat ek ooit voor kon wens. Lesley doen so baie vir my. Sy help my in my studio, sy behartig die ateljee, organiseer al die uitstallings, plaaslik sowel as internasionaal, al die openbare skakelwerk en bemarking, verpakking en versending van die beelde, die bestel en afhaal van al die voorrade en alle administratiewe werk. Dit is maar 'n deel van wat sy doen. Sy bederf my op so baie maniere, en dan is sy nog 'n fantastiese huisvrou en help my om die plaas te bedryf. Sy het baie min tyd om haar eie passies, wat tuinmaak, blommerangskikking en pottebakkery insluit, uit te leef. Ek glo, agter elke suksesvolle man is 'n totaal uitgeputte vrou. Om alles te kroon, deel Lesley my stokperdjies en belangstellings met 'n passie van haar eie. Haar eintlike professie is die van fynproewer sjef. Sy het vir baie jare in top hotelle en restaurante gewerk, waar ons dan ook ontmoet het - ek beskou dit as die perfekte paartjie". In die ongerepte en asemrowende plattelandse natuurskoon, hang hulle knus hout kothuis, letterlik 40 meter bokant die walle van die Krokodilrivier. Met 'n teleskoop en verkyker, kan Dietmar omtrent al die voëls wat hy in brons verewig, van sy balkon af bestudeer. Dit wissel van wilde ganse, reiers, visvangers, kraanvoëls tot so nou en dan 'n visarend. Al die bouprojekte is deur Dietmar en Lesley self ontwerp en gebou. Verskeie romantiese gaste bungalows, 'n ongewone swembad wat in die rotse gebou is, 'n pragtige teetuin en 'n buitelug area waar uitstallings gehou word met 'n dosyn verskillende fonteine en watervalle waarin reuse koi visse en visse uit die rivier swem, twee knus inhamme in die rivier wat wegkruip tussen twee kranse, en dan Dietmar se kunswerke, maak hierdie 'n kuns ervaring wat geen mens durf mis nie. Die gallery is Saterdae en Sondae oop vanaf 09h00 tot 17h00 of alternatiewelik kan 'n spesiale afspraak gemaak word. Korporatiewe en privaat opdragte word verwelkom. Verpakking en wêreldwye versending is op die lys van hulle dienste. Kliek hier en kontak ons gerus!
If you would like to exchange links with us, please visit our links page
|
|
Sign Our Guest Book
